يا امل خايب وكداب
يا حزن ومالي القلب
فكرتك حبيب الاحباب
طلعت مفيش اصلا حب
يا فرحه وماتت بسرعه
وحجه مستنا القرعه
يا سفر ومفيش تاشيره
يا ضحكه سبقاها تكشيره
وبيعه ومفيش تسعيره
افكارك لازم تتغير
وتكبر حبه يا صغير
اتعلم بقه واتطور
يا رقم ميجوزش القسمه
لوحه مفهاش ولا رسمه
ووش ممنوع من البسمه
يا كتاب مفهوش أفاده
وحاجه محتاجه اعاده
في الاذيه تذيد زياده
ووصفك انك ولا حاجه
مغرور بشيء ملحوظ
ومفكر انك محظوظ
وشكلك فستان مطروز
يا سما مليانه غيوم
وليل مفهوش نجوم
انت ليك يوم معلوم
يرجع فيه حقي كمظلوم
يا مفكر نفسك قصه
وانت يدوبك سطر وكلمه
لو عدت جمك نسمه
هتكون عجاج وحاجه وحشه
يا كلمه يدوب في سطر
ممحصل بيت ولا شطر
خساره فيك كلمة شكر
خساره فيك بيت شعر
بقلمي مايسه محمود 🌹
ياامل…الشاعره/ مايسه محمود
