سمير عبده بخيت
خادم تراب الوطن
نجد ان كُرة اللهب بتكبر وان الأمور بتزداد سوءا في الدوحة بعد استمرار احتجاجات قبيلة آل مرة ضد قانون مجلس الشورى ولجوء نظام الحمدين للعصا الأمنية للرد على تلك الاعتراضات وما صاحبه من حدوث اشتباكات واسعة وقطع لأبراج الاتصال في منطقة الريان، بالقرب من تجمع قبيلة آل مرة…ثم تطور الأمر لاقتحام قوى الأمن اللي أغلب أفرادها من المرتزقة والمجنسين زي ماهو واضح من أشكالهم لأحياء وشوارع ومنازل وديوانيات القبيلة وسط أنباء عن سقوط قتيل
.
وفي نفس الوقت اللي الأمور فيه مولعة والاشتباكات شغاله على ودنه في نفس الشارع اللي بيقع فيه مقر قناة الجزيرة ، بنلاقي قناة الهبد والهبد الآخر مشغولة بمناقشة زيادة أعداد المضربين عن الطعام في السجون المصرية وبتناقش بكل حماس واقعة القبض على سواق ميكروباظ باحدى مدن محافظة الغربية لأنه كان بيخمس بعربيته في فرح الأوساذ احمد الطيار اللي شغال ديليفري في مطعم فطاطري السيد البدوي على البت شيماء أبو سنة اللي بتشتغل في كوافير سحر العيون .
.
فين بقى شلة مرتزقة عزمي بشارة من النشطاء والسبوبجية ومرتزقة السفارات والدولارات اللي بيجيبوهم يحللوا بول وبراز على شاشة الخنزيرة وينفخوا في النار كل ما تحصل أي مشكلة صغيرة في مصر أو أي دولة عربية
وفين الواد أحمد مذعور يلعب حواجبه ويناقش الموضوع في برنامج بلا حدود ؟
وفين فيصل القاسم أبو قُصة جنان مليانه حنان ؟ مش ناوي يجيب بيضتين، قصدي ضيفين يطقشهم في بعض ويقدملنا بيهم طبق الأومليت الشهير بتاعه على الشاشة ؟
وفين الحلوة المدلعة المشخلعة فاتنة المزرعة غادة عويس وهي بتتلوى وتتلون في الكلام وتضغط على مخارج الحروف لما تذيع أي خبر عن مصر ؟
وفين السمسار جمال رآيان الجربان بتاع الكضية في النملية ؟
وفين باقي الشلة الوسخة دي كلها من تغطية الأحداث اللي بتحصل جنب مكاتبهم ؟
.
أنا عايزك بس تتخيل رد الفعل الإعلامي من زومبيات البنا ومواخيرهم الإعلامية في الدوحة وأسطنبول لو كانت هذه الأحداث الساخنة بتحصل في مصر أو السعودية أو الامارات …
كنا هنلاقي كل نشرات أخبار الجزيرة وعلى مدار الساعة متشحة بأشرطة العواجل الحمراء اللي بتتابع الحدث لحظة بلحظة وبتخترع وتفبرك أحداث بتضعها على لسان شهود عيان مجهولين عمرك ما هتعرف حد منهم عملا بمبدأ : الكذب في الأرض بعض من وظائفنا لو لم نجده عليها لأخترعناه (مع الاعتذار للشاعر نزار قباني)
وكنا هنشبع ندوات ومناقشات وحبشتكانات وبرامج حوارية أشبه بحلقات الذكر تمتد لعدة أيام وربما أسابيع عن الحدث، وتداعيات الحدث، وما وراء الحدث، والداوفع اللي أدت لحدوث ما حدث، مع حفلات شماتة واضحة في الأنظمة العربية الديكتاتورية القمعية ووشك في الحيط وقفاك ليا
وكنا هنغرق في طوفان من التصريحات والدعوات الصادرة من جهات مجهولة أجنبية هي في الواقع مجرد أبواق وأوكار صحفية مفروشة وخدم بيتأجروا بالساعة للنظام القطري عن ضرورة تطبيق الدجروماطية وبنود حقوق الانسان ومناشدتهم باحتيواء المعارضة وضرورة اجراء حيوار مجتمعي للاستماع لجميع أطياف المعارضة
وأكيد طبعا كنا هنلاقي البوب الأقرع المهاتما بردع نازل بسلسلة تويتات عن امتهان كرامة الانسان المعاصر واهدار حقوقه في حرية التعبير والمشاركة السياسية
دا غير آلاف المواقع والصفحات اللي كانت هتتناقل الأخبار دي مصحوبة بالسخرية الممزوجة بالشماتة، ومئات الكوميكسات اللي كانت لجانهم الالكترونية هتغرق بيها السوشيال ميديا في ظرف دقائق للتسخين والتحريض ضد الأنظمة القمعية السلطوية اللي بتعتقل الجنين في بطن أمه و بتاكل دراع العيال الصغيرين
.
وبما ان النهاردة الخميس فكنا أكيد ساعتها هنشوف حلقة ساخنة من الفتى الحيحان أبو حمامة بنفسجي عبدالله ترتر بتناقش موضوع الساعة وبتجيب المستخبي اللي معرفتش تجيبه أجهزة المخابرات الدولية
لكن مادامت الأحداث دي بتحصل عند كفيلهم وولي النعم بتاعهم دميم ابن موزة ، فهتلاقيهم كلهم سكتم بكتم ولن تسمع منهم سوى صوت صرصور الحقل اليتيم
.
