كبسة باللحمة:
فنون مطبخية
دينا جمال رفاعي
المقادير: بصلة مفرومه / 2 لمون ناشف / ورق لورا / حبهان / جزر مفروم / فلفل الوان مفروم / توابل الكبسه / زعفران / زيت / لحمة مقطعه مكعبات نص كيلو / رز بسمتي منقوع تلت ساعه كوبايتين/ فحمه / ملح / فلفل اسود
الطريقه:
1- اول حاجه نحط الزيت في الحله ويسخن شويه نحط عليه الحبهان واللمون الناشف و ورق الورا نقلب شويه
2- نحط عليهم البصله المفرومه و نقلب لحد ما تصفر شويه
3- نحط عليها مكعبات اللحمة ونقلب كله ونسبها تستوي شويه ساعه او ساعه الاربع حسب نوع اللحمه وبعدين نحط الجزر المفروم والفلفل الالوان وجزء من توابل الكبسه ونقلب
4- بعدين نحط الرز والملح والفلفل والزعفران ونقلب كله ونزود مايه ونسبها تستوي وبعدين ونفتح فيها فحمه ( حسب الرغبه ) ونقدمها وبالف هناااا 😉😉
( لو مافيش زعفران ممكن نحط كركم )
في صلصة الدقوس بتتقدم معها بتبقي حلوه اوي ودي طريقتها :
نجهز الصوص معها هنحط الطماطم والفلفل الرومي او الحامي والتوم ونضربهم في الكبه وبعدين هنحط عليهم الملح والفلفل والكمون والخل واللمون وشويه مايه ورشه بابريكا وشطه بودره لو محطناش الفلفل الحامي ونقلبها ونقدمها مع الكبسة ريحتها وطعمها تحفففه بالف هنااا
