قصيدة اليوم بعنوان
(حنين وانين مغترب )
تعذب قلبى فى غربه شدانى
عايش مابين جدران الغربه وحدانى
لا فيها اخ ولا فيها حتى حبيب
لا انا حاببها ولا هيا كمان حبانى
سارح فى ظلام الليل
بصرخ بلاقى جدران الغربه حضنانى
والفكر شارد فى سكون الليل
سايله دموعى عالوساده سيل
الفرقه قتاله والدمعه سياله
فى غربه لا فيها حنية عمه ولا خاله
ياترى يا بلادى انا ظالمك
ولا انتى اللى ظلمااااااانى
عشت فيكى قد ما عشت
لا شوفت منك حنان ولا شوفتك فى يوم حضنانى
انا الغريب متغرب فى بلاد الناس
انا اللى شارب المر كله فى كأس
امتى الاقى الراحه فى بلادى
وارجع لحضن امى ولمة اخواتى
ياترى يا بلادى سامعه صرخاتى
سامعه مناداتى سامعه ااااهاتى
سمعتى صوتى قريتى كليماتى
انا ساهر الليل ورب العباد سامع مناجاتى
جاوبينى يا بلادى ولبى الندا
انا المصرى الأصيل اسمع نداكى البى الندا
اهاتى فى كلماتى
بقلمى (شاعرالصعيد )
حمادى الخفاجى ال خفاجى
