في ذكري رحيل العندليب ( عبد الحليم حافظ )
شعر / أحمد مرسي
متابعة / إيمان الحملي
العندليب
**********************
أول مرَّةْ تحب يا قلــــبي
وأنا موعود بالحب معاك
لمــا تقولْ : يا خَلِيِّ القــلب
كان سواح دايب فى هواكْ
لو تخونوه ح يقولك توبة
كان على قد الشوقْ ويَّاكْ
يَلّهْ اسبقني يا قلبى وقولُّه :
زي الهوا يا حبيبىي ملاك
بحلم بيك عارف من امتى ؟
فوق الشوك مشاني زماني
وإنت أعز الناس على قلبي
حاجة غريبة ومش بنساك
إسال وابعت مرة جـــواب
قوللي بَحِبَّكْ وانا أهْوَاك
حُبَّك نار ياحبيبي بَحِبَكْ
وانت كمان حلو وكداب
قلت : الحق عليَّه عـــرفتك
بكره وبعده أكيد أحبــاب
********************
لو على حِسْـبْ وداد قـلبي
ليه مشغول والهوى غلاب
بالأحضان بالأحضـــــــان
جانا الهوى خبط ع الباب
بينى وبينك ايه يا حــبيبي ؟
لما تغيب وبأمر الـــــــحب
كنت أحن إليك فــــى عتاب
إنت وقلبك صــــــحبة ورد
بحلم بيك مـا كفاية عـذاب
روحي حياتي الــحب بيسأل
إوعى يعدِّي العمــــر سراب
لمَّا تسافر يوم أو شــــــهر
زي الهوى بيفوت الـــــعمر
كان موعود وبأمر الــــحب
ألف خسارة جَرحْتْ الـــقلب
قلبي كمان معملش حساب
ليه مــغرور وتملِّي تَاعَبْنِي
إبقى صافينى مرَّة يا عمري
باحلــــــمْ بيك وانت مـعذِّبْنِي
**********
حاجة غريبة إنك تنســــاني
أول مرة تغيب وتسيبنـــــي
وانت كمان ضـــــى القناديل
ظالم قلبى تملِّى ســـــــايبني
خايف مرة أحــــــــب عيونك
وانت كمان ياقمر مـــــداح
لما بغني أغاني حـــــــــــليم
بهمسة قلـــــــب بقيت سواح
تيجي تلاقي المـــــركبة عدت
فيهـــــا شراع ومفيش ملاح
تعالـــــــــى أقولك ساكت ليه
بكره وبعده مليني جـــــــراح
فينك صــحبة ورد يا أسمــــر
دمعة حزن ف كل صــــباح
إبقى قابلنى لآخـــــــــر مرة
نحكي رسالة من تحت الماء
وحياة قـــــــلبي مع أفراحه
أحلى عيون للهوى سمــراء
عاوز اقولك : إنت حبيبـــــي
وشمسك عني ف يوم ماتغيب
عاوزين صورة معاك يا حليم
يا مدوبني يا أحلـــــــى حبيب
**********************
