كتبت الاذاعيه نور الصباح
التراكمات صعبة اوي ياجماعة لاتستهينوا بيها لانها بتدمر كل حاجة عشان كدة بقولكم اعملوا تفريغ اول باول وعبروا عن كل اللي مضايقكم من الشخص للشخص نفسه وبلاش تحملوا نفسكم اكتر من طاقتكم ومن هنا لازم نعرف ان في حاجة اسمها التسامح ولازم نتحلى بيها لازم نسامح اللي ظلمونا واللي وجعونا واللي جرحونا واللي احبطونا واللي كسرونا واللي عشرتنا هانت عليهم ليه بقى لازم نسامح ؟؟؟؟علشان احنا نفسيتنا عبارة عن رفوف رف عليه صدمة ورف عليه وجع ورف عليه مشاكل ورف عليه اكتئاب ورف عليه حزن كل الرفوف دي مجمعينها وحطينها في الصندوق الاسود ولا عارفين نشيل الصندوق ولا عارفين نفضيه علشان كدة لازم يكون عندنا تسامح لازم نتعلم السماح يعني ايه السماح يعني اسمح لكل المشاعر السلبية بالرحيل وبكدة هايحصل تغيير جذري في الجسم كله هايخف من الحزن هايخف من الاكتئاب الحمل التقيل اللي على كتافك هاينزاح وربنا هايفرج همك وهايمسح حزنك وطبعا في فرق بين العفو والصفح العفو يعني سامحت لكن مش هاتعامل معاك اما الصفح سامحت وهافتح صفحة جديدة وأبدأ من جديد معاك تعالوا نجرب نتسامح وبجد بجد دا وقته شهر رمضان كل واحد مننا يراجع حساباته وينسى كل اللي فاته او حتى يتناسى ويبدا من جديد اللي زعلانة من زوجها تسامح وتبدا صفحة جديدة اللي زعلان من اخوه يسامح اللي زعلان من اي حد يسامح التسامح دا كلنا بنتعلمه لكن للاسف صعب تنفيذه ودا لانه بيتفهم غلط ازاي؟؟؟؟التسامح بيتفهم ضعف او اهانة او نسيان للخطأ ودلوقتي لازم نفهم التسامح صح لازم نسامح علشان ربنا يسامحنا لازم نسامح ولادنا نسامح اهلنا لازم لازم نسامح نفسنا وكفاية جلد فيها كفاية يللا بقى نسامح ونتسامح تعالوا نجرب سحر التسامح
سحر التسامح
