متابعه : محمد سعيد عماره
ابرام تاوضروس
جميل ان تكون مصر فيها قيادات واعية ومسؤلين يقدرو يدركو ان فى ناس مختلفه وعلشان كده عملو رامبات ( منحدرات) لمستخدمى الكراسى المتحركة
لحد كده وده شىء رائع
المخزى بقى هى سلوك الناس… واحد كسلان او عنده لا مبالاة او عدم احساس بالأخرين فقرر يركن عربيته قدام الرامب !!!!
يعنى ضيع كل مجهود
ضيع كل فرحه
منع شخص من ممارسة حياتة بشكل عادى
عارفين معناه ايه انك تقفل رامب بعربيتك ؟
هحاول اوصلهالك
زى بالظبط ماتكون فى الدور التانى او التالت وتيجى تنزل متلاقيش سلالم !!
متخيل الوضع
دا انت لو الاسانسير واقف بتزعل
لك ان تتخيل!!
ياريت نكون إيجابيين ومتعاونين مش بس ما تقفلش رامب وماتركنش قدامه… لا انت كمان ممكن تساعد تعمل رامب قدام المحل بتاعك لو انت صاحب محل او فى وكل رئيس مدينة او رئيس حي يهتم بالموضوع ده والحقيقة ده بقى واجب قانونى حسب ما ينص عليه قانون رقم 10 لسنة 2018
نتمنى نكون إيجابيين ونتعاون مع بعض هنقدر نعيش كلنا فى سعادة
#وعى
#قبول الأخر
#معاً_ننجح_أكثر
#احنا_نقدر
ابرام تاوضروس
