تصريحات السيسي تصيب متخذ القرار الاميركى بالرعب
السيس لترامب” مصر لحمها مر”.
متابعه / نجوي ابراهيم
عارف يعنى ايه السيسى يقول “انا مسئول امام الله و المصريين الا تسقط مصر ”
فاكرين السيسى لما قال “طول ما احنا أدينا فى ادين بعضينا محدش هيقدر علينا ابدا”
ماتيجى معايا نعرف اصل وفصل الحكايه ايه
كل ده بيحصل واحنا مش دارين ايوه و الله
خلى بالك
عاوزينا ننسى كل مؤامراتهم ونغرق في صراعاتنا وتبقى المشكلة بيننا احنا ومش معاهم هما!!
خلى بالك
واجبك الوطني والقومي يدعوك بإلحاح للتذكير وتصويب الاتجاه حتى لا تنطلي الأمور إلا على من أراد متعمدا السير بركابهم وبعكس مصالح الأمة
السم الاميركى و الافعى الصهيونيه
الموضوع ببساطه بالنسبة لأمريكا والغرب ان الرؤساء العرب رغم تبعيتهم و خنوعهم و انبطاحهم اصبحوا لا يحققون الهدف الايديولوجى الصهيونى اللى هوا “أنشاء دولة اسرائيل الكبرى من النيل للفرات “: عن طريق .. تشويه وقتل وتشريد العرب
ايوه دى مش مبالغه و تهويل ولا حكايات افلام ولا مغالاه فى نظرية المؤامره زى ما بيقولوا اتباعهم علشان نخفى مشاكلنا وفشلنا لا و الله دى الحقيقه الواضحه
طيب فكر معايا شويه … ولا تنظر الى الامر من زاوية ” دينية او ايديولوجيا عقائدية
تعالى معايا نعرف ونفكر ازاى قدروا يسيطروا علينا ويوحدوا جهودنا علشان نهدم وندمر بلادنا
تعالى معايا ياراجل ياوطنىنشوف ميثاقهم بيقول ايه
-سنجعلهم يرفضون التفكير بارادتهم ولكن بالتى نصنعها لهم حتى يقودهم الغضب و يسيطر عليهم الجهل و يسيرون بخطي مسرعة تجاه التدمير الذهني أولا قبل التدمير المادي الذي يصدر عن سلوكهم الانفعالي المتطرف. ..
-سنجعلهم يردون ما تم تلقينه لهم بصورة مباشرة متكررة علشان نطبع كل ده في الذاكرة الذهنية و يصدقها المواطن و يقتنع بأن كل سلوك يصدر عنه هو حقيقة تقودة الي الحق الذي أملي عليه و ليس له أصل في الواقع الفعلى .
خلى بالك
حروب هذه الايام هي في الأساس نظرية بسيطة جدا تعتمد على “هدم الدول من الداخل بأيادي ابنائها “و الاقلال من التدخلات العسكرية المباشره الا للضروره
ركز معايا هذه الحرب ليست لتحطيم مؤسسة فقط، ولا القضاء على قدرة دولة بل الهدف هو الإنهاك والتآكل ببطء ” لتسقط الدوله”
ده كله علشان التحكم فيك وسلب ارادتك
طيب هما بيعملوا ايه
زعزعة الاستقرار وتنفيذ هذا المخطط بكل أعضاء المجتمع رجال و نساء و شباب من الجنسين و حتي الأأطفال .
اكيد هتسألنى و تقولى ازاى “تعالى معايا”
زعزعة الاستقرار تكون بوسائل تم استحداثها حتي لاتثير الشك إلى اى حد و في الغالب ينفذها المواطن بعلم او بدون علم و هدفها إيجاد دولة فاشلة .
هتقولى زى ايه …
هقولك تعالى نرجع لورا شويه و نفتكر سوا
– “فاكر كثرة الاضرابات الفئوية بسبب و بدون سبب و الاحتجاجات الطلابية رفع حالة السخط بين الناس ضد النظام و المواطن و رفع سقف النقد الخارجي له ودعم الاعلام الداخلي بوسائل مختلفة للقيام بهذا الدور الذي يظهر به أمام الشعب علي أنه يكشف الحقيقة من أجل الشعب المظلوم و المضطهد .
طيب زى ايه تانى ياراجل ياوطنى
-” فاكر آلاف الجمعيات الأهلية المدعومة خارجيا للتغلغل في المجتمع لتسويق اى حاجه تظهر النظام فى مصر بأنه يتجاهلهم و يرفضهم و يهمل مطالبهم الطبيعية و حقهم في المسكن و المأكل و المشرب و العلاج و التعليم من أجل احداث حالة التفكيك المطلوبة”
اكيد عملت زيى دلواتى و بترجع بالذاكره للايام السودا
لما كانوا كلهم شغالين فى الشحن الزائد عن الحد و تسويقه اعلاميا بشكل يعادل عشرة أضعاف الحدث هتقولى زي ايه ؟ “زى العنف الطائفي داخل الدولة “.
-فاكر ظهور الجماعات الدينية المتطرفة و الممولة من جهات متعددة معظمها من خارج البلاد تنفذ أجندات كلها عكس بعضها لخلق حالة من الفوضي و عدم الاستقرار .
هتقولى وايه الفايده تعالى معايا ياراجل ياطيب
-إيجاد أماكن داخل حدود الدوله ليس لها سيادة عليها، عن طريق دعم مجموعات محاربة وعنيفة للسيطرة على هذه الأماكن، وتنتهى بتحويل الدولة إلى دولة فاشلة .
-وده اللى كانوا عاوزين يعملوه في سيناء ..
يعنى ايه اوضح اكتر…
– إخراج اقليم من الدولة عن السيطرة، فيصبح خارج سيادة الدولة باستخدام تحرك المجموعات المحاربة فى الجزء الذي خرج عن سيطرة الدولة لتصنع ما يطلق عليه إقليم غير محكوم أو بمعني آخر هو إقليم محكوم من قبل قوى أخرى خارج الدولة، وينتهى الأمر إلى دولة فاشلة يستطيع أعداؤها التدخل والتحكم فيها و بقسوة كبيرة غير مسبوقة
.هتسألنى و تقولى ايه الهدف؟
– الهدف من كل ده أنه ليس مطلوبا إختفاء الدوله بل المطلوب إسقاطها أن تظل موجودة بكامل مواردها وقدراتها، لكن يجرى اختطافها عن طريق التحكم الفكرى والسياسى لنظام الحكم والسيطرة عليه كاملا، بحيث تصدر القرارات والسياسات؛ لا لتعبر عن إرادة الشعب، بل لتعبر عن إرادة القوى الصهيونيه التى احتلت وسيطرت و استخدمت شعب هذه الدولة في المراحل التحضيرية للاخضاع
أأأأأأأأأأأه يا ابن بلدى
– الأمر شديد المرارة و القسوة أن يتحول المواطنون في وطنى الي مسخ ليس له قيمة بل وتخضع الذاكرة الذهنية لهم لنظرية أن الآخر هو الأذكي و الأقوي علي التخطيط و التنفيذ و لاجدوي من المقاومة نهائيا حتي بعد ان يتم كشف الحقيقة و يتأكدون أنهم خدعوا
فاكر
ينشأ عن هذا الوضع ظهور شخصيات هلامية تدعي أنها قيادية تستمر في السيطرة عليك علي نفس النهج لتحقق المزيد من الأهداف للأعداء مقابل مقاعد و أرصدة أقل ما توصف به أنها أرصدة منتفخة بالدماء الحرام و هذا هو الحال لكثير من الخونه و الممولين
يعنى عاوز تقولى ايه لخبطتنى
-هذه الحرب هى الإكراه سواء كانت قاتلة أو غير قاتلة . كمان أن الدولة الفاشلة تتآكل ببطء وإذا فعل هذا بطريقة جيدة ولمدة كافية باستخدام مواطنى دولة العدو فسيسقط عدوك ميتا .
تعالى بقى اتكلمنا فى اللى فات طيب ايه اللى بعد كده لو فشلوا
في حالة عدم نجاح هذه الخطط أو مقاومتها بما يؤخر تحقيق الأهداف يكون التدخل العسكري الدموي الشرس جدا و الذي ستستخدم وتجرب فيه كل أنواع الأسلحة و تفعيل الحرب الأهلية الممولة من كل الجهات .” سوريا وليبيا امثله عالقه امام الاذهان ”
وايه تانى
– خلق حالات التوتر بأعطاء دور للدول الصغرى زى”قطر” تتوسط دول كبري بتصعيد النزعة لدي هذه الدول الصغيرة لآن تصبح عظمي و استخدامها لتكون فاعلة في انشاء الصراع و هذا ينطبق علي الدور الذي تقوم به قطر حيث يتواجد بها أكبر قاعدتين أمريكيتين و تمول بناء المستوطنات في اسرائيل و تمول الحروب الاهليه في المنطقة .
– هذا هو ما يقاومه الجيش المصري العظيم في هذا التوقيت و سط حالة ابتلاع الطعم من معظم فئات الشعب عمدا او جهلا
خليك فاكر
عندما تتكاثف السحب،، وتتلاطم الأمواج ،،و تتعقد الأمور وتزداد إشتعالاً هنا وهناك ،، وفي أخطر نقطة للمنعطف الأخير….تأتي ضربتنا دائما من حيث لا أحد يتوقع..في هدووووء وبلا ضجيج لنرد الصاع صاعين داخلياً وخــارجيــــاً.
خلى بالك مصر ولا يتلعب بيها ولا يتلعب معاها
مصر كبيره دايما فى عيون اولادها المخلصيين وعمرها ماكانت صغيره الا فى عيون الخونه و المتأمريين
خلـي بـالك …..مصر مـش صغيـره .. ومـا بتلعبـش ..
مصر لمـا غيرهـا أراد ليهـا الشر.. سحبـت الجميـع لمرادهـا الأخيـر …
-مصر لم تكن ولن تكون إلا دولة قوية ومتعافية، لحمها مر على الخونة والإرهابيين
والمتآمرين.
-مصر تؤكد للعالم ان صمت شعبها عبر سنوات مضت امام اى تجاوزات ولى وانتهى
-مصر تؤكد للعالم اجمع ان شعبها عازم على ان يحافظ على سيرة ومجد اجداده.
مصر تؤكد للعالم اجمع انها قادرة على مواجهة اى صراع فى سبيل بناء مستقبل امن لكل الاجيال القادمة .
لو فخور برئيسك وجيشك من فضلك share على اوسع نطاق
سكوت الأسد عن الزئير لا يجعلهم في مأمن عن أنيابه!
حفــظ الله مصـــــر
