كتب / محمد يوسف
دور معاية
عاللى بيحبوا البلد. دور معاية
مصر محتاجة المدد .دورمعاية
دور وميهمش عدد .دور معاية
لفيت كتير جوا الشوارع والزوايا
جوا الكنايس و الجوامع والنوايا
دور معاية ع النواية
تسند المدنة اللى مالت
تقطع الإيد اللى طالت
تنزرع فى أرض شالت
وارتوت بعرق شقايا
ارتوت بدموع ولايا
أو بأطهر دم ما بين البرايا
دور معاية
دورمعاية
لو كنت بتحب البلد هات الصحاب
هاتلك سلاح ولا فاس.هاتلك كتاب
شيلوا اللي غيٓر فى ملامح أرضنا
شيلوا التراب
والعنوا الخونة اللي بينا و الكلاب
ارسموا معاية علم
هاتوا كراسة و قلم
سطّروا تاريخ ينوّر للأمم
بقلم الكاتب و الشاعر / محمد يوسف
