الشك

الشك
بلاش الشك والغيره
عشان نفضل كدا احباب
عذاب الشك لو زارنا
هنتقابل كما الاغراب
بلاش نفتح لبعدنا باب
نخلى العش يبقى خراب
ومين قاليك ومين قالك
وسوء ظنى وسوء ظنك
هيقفل اى باب لعتاب
بلاش الشك والغيره
مدام الشرع بنا كتاب
تعالى نحب ونسامح
نخلى قلوبنا تتصالح
ويجرى الحب زى النهر
عذب جميل ومش مالح
بلاش نسمع كلام الناس
ولا يوسوس لنا خناس
ونبعد شكنا عنا
ويكتبنا تاريخ العشق
قلوب من شكها اقوى
بلاش الغيره تستقوى
على قلوبنا تفرقنا
تضيع منا خطوتنا
وسكتنا اللى كانت ورد
يكون اخرتها فرقتنا
ويشمت فينا كل عزول
ياريتنا ماكنا شكينا
ولاغيرنا ولا قأسينا
وكنا حفظنا بنا الود
واخلاصنا لبعضينا
وصدقنا قلوبنا وبس
وكذبنا اللى كرهونا
بلاش الشك والغيره
بنينا الحب ع الاخلاص
بلاش هما يهدونا
————————
سميره الاسريجى
ماما نونه