ابن القرضاوي و اشباهه من المنتفعين من النظام القطري..
متابعة خميس اسماعيل
عايز يقنعنا إن الدولة اللي مفيهاش نظام قضائي مستقل و لا برلمان و لا أحزاب و لا معارضة.. و نظام الحكم فيها بانقلاب تلو الآخر بين افراد اسرة واحدة.. بتدعم “الديموقراطية” و “الربيع”..
قريت مرة إن قطر دفعت بين 2011 إلي 2016 مبلغ قدره “مليار دولار”.. لنشطاء و مدونين.. عشان يفرضوا أجندتها على الناس..
مليار دولار..! رقم غريب جدا.. عشان يبقي الجيوش اسمها “ميليشيا فلان”.. و الميليشيا الإرهابية اسمها “جيش”.. و يبقى الإرهابي اسمه “معارض معتدل”..
كده قطر بتدعم “الربيع.. زي ما ابن القرضاوي شايف.. ماعرفش اصلا هو متصور إن في حد لسه مقتنع ان دا ربيع.. إلا لو كان غبي أحمق فاقد العقل؟
الأزمة بالنسبة للناس دي إنهم عاملين زي صراصير البلاليع بالضبط.. مالهمش وطن.. دا الأسوأ.. و زي صراصير البلاليع برضه.. محدش بيرحب بيهم.. و محدش مستعد يستضيفهم..
بالتالي الجماعة دي النهاردة معرضة لحاجة من إتنين.. يا إما يسقط تميم و ييجي حاكم قطري يرميهم في السجون كدليل على حسن النية و عدم دعم الإرهاب..
يا إما يترحلو.. و نصهم اصلا عليه أحكام في بلده الأصلي.. زي وجدي غنيم و أحمد منصور..
يعني باختصار تميم هو آخر فرصة ليهم للبقاء خارج السجن.. و لأن يفضل لهم دخل منتظم.. محدش أكيد حيشتري “ديوان ابن القرضاوي” الشعري… لو تميم سقط.. إبن القرضاوي مش حيلاقي ياكل حرفيا..
فطبعا لازم يراهن بجنون و هيستيريا على جواد خاسر.. و شوية و تسمع “اصل الربيع”.. “اصل في مصريين هناك”.. و كأن الـ900 ألف مصري اللي رجعوا من العراق و المليون و نص اللي رجعوا من ليبيا.. بسبب ربيعهم الجميل.. كانوا مش مهمين..
دلوقتي بتعيطوا علي المصريين اللي هناك؟؟ غريبة..!! لما كان بيموت مصريين “هنا”… كنا بنسمع منكم تشفى و شماتة…!
طبعا في عز الغرق اللي بيغرقه النظام القطري.. ممكن يعمل عملية إرهابية هنا أو هناك..
خلصت..
إجنا شعب 30/6 بنقول لكم “خلصت”..
حنطلع نجيبكم من بيوتكم و الله العظيم..
تقولي بقي “ربيع”.. “خلافة”.. تقولي “ماسر”.. “عسكر” “فصيل وطني”.. الهبل دا..
خلاص قرفنا..
يا روح ما بعدك روح…
ابن القرضاوي و اشباهه من المنتفعين من النظام القطري..
