أولاد الشوم
************
كتب/كرم شعيشع
**************
الود كان دايما
بين القلوب مقسوم
والفرح على الشفايف
بسعادة كان مرسوم
والعيشة كانت احلى عيشة
خالية من اى هموم
لحد ما (الله)يجازيهم
ظهروا ولاد الشوم
الهيئة هيئة بشر
والطلة طلة بوم
رموا سهم الغدر
والسهم كان مسموم
بيقولوا عليهم طيبين
وفى الاصل هما ديابة
تعوى تزوم
تشوف وشوُشهم
يخاصمك باليالى النوم
ذى الغربان والحدادى
فى الخراب تملى تحوم
ودايما عاملين ملايكة
ويجيبوا عليك اللوم
