بقلم :- يوسف عبد الرضى
#آسف… الملام
الطريق فاتح… وحاتك امشي
ما تقبِّل علي، والدرب الجاب يودِّي
ما في داعي تحن لي
زي ما جيت… ارحل وغادِر
أصلو ما بتفرق علي
قالوا طبعك إنت غادِر
وفي المشاعر ديماً ني
أصلي ما فكّرت إنك
سِكّة الهم تبدأ منك
وبرضو ما شلت المآسي
ولا خطر في بالي ظنّك
طبعي دايماً زول مسالم
في الظنون ما لي سِكّه
وما بفتِّش بي وراك
وما خطر في بالي فِكّه
شِفت كيف الدنيا فجأة
تبدأ تكشف لي عيوبك؟
كل إحساس مني صادق
كان عشانك… وجاي ليك
إلّا بس طبعك مخادع
ياريت سمعت القالوا فيك
إلا درسك ببقى حصّة
وما أظن ينفع ملامك
تشهد النجمات عليّ
كنت صادق في غرامك
وأكتم الأنفاس عشانك
أخاف عليك أنا في منامك
بغلب الطبع التطبُّع
وأصلي آسف… شان ملامك
يوسف عبدالرضي
2025/5/23
