فيك عيونً
محمد عبد الله برقاوي..
فيك عيون …. فاترة وسنينه..
مرة جافية .. ومرات … حنينه..
تتجلى…في سكونا.. السماحه..
زي بحور …. بنخاف….رياحه ..
وفيها روعة…..تنادي …. لينا.
لما…. تسرح…. في.. .. بهاها..
تسبح ….. الانظار ….وراها..
تاخد … الانفاس ……معاها..
بس تقول….. خلقت.. براها..
وشاربة…. من.. النيل صفاها..
السواد…. زاحم ……ضياها..
لا هو …..نافر….. لا…تماهى..
النعاس….. جمل … مداها ..
وساقنا في….احلام صباها..
الزعل… في سهام سوادا..
يجرح…. احساس السعادة..
وبرضو… ما بنطيق بعادا..
نشتهي… الليل شان سهادا..
عيونك…الهام ….القصيده..
تأسر… ..الاحرف … تصيدا..
خلت…….القمرة……البعيده ..
جات……. تناجيها….وتريدا..
