كفاية يادنيا
بقلم الشاعر فهمى محمود حجازي
بنزق الدنيا ومش ماشيا
وهمومها كتير
ونصبر روحنا على جروحنا
ونقول هتسير
بنقابل فيها قلوب بيضة
وقلوب مش خير
دنيا ومسارحها كتير. ياما
ومواو يلها كتير
نطلع من جرح على التاني
على جرح خطير
ويافرحة لسه مخصماني
يكفي التأخير
مستني تجيني وتصالحيني
محتاج تغيير
د القلب اشتال في هموم
ياما وبشكل مرير
ماكفايا همومك سجناني
وحان التحرير
د العمر خلاص قرب يخلص
مافضلش كتير
والصبر خلاص اشتكى مني
وقدم تقرير
إن المذكور زاد على صبري
وبشكل خطير
ويارب نفرج بقى كربي
وترزقني الخير
وسعادة ننور بها دربي
وبرزق وفير
واهرب من سجن هموم
دهري على فرح كبير
فرح بنسيني اللي حصلي
ودي بشرة خير
-
على الوفاء السلام …..
على الوفاء السلام ….. بقلم الشاعره:عايدة حسن عيد يؤسفني حقاً أن أكتب هذه الرسالة، لكنّ أقسى...
-
●تأملات●
شعر :احلام غانم ●تأملات● أُراقصُ الجرحْ… لا لأنّه يؤلم بل لأنّه الدليلُ الوحيد على أنّنا كنّا...
-
(((رسالة فى حب مصر )))
(((((رسالة فى حب مصر ))) الكاتب دكتور السيد عطية البندارى ((((((((بلاد الغربة )))))))) ١ _ من...
