هو احنا فين يا بشر
وليه كل ده بيحصلنا
كل يوم حادث خطر
وناس تموت مننا
كل يوم دم بينزف
كل يوم ناس تموت
مفيش حد ينصف
ومفيش غير السكوت
اتقتلت الاول نيره
بنت جامعه المنصورة
وقصه طويله او قصيره
مش هو ده اللي في الصورة
واللي واقف واللي ماشي في الطريق
يحكي عن حادث الزقازيق
هو ايه اللي جرالنا
والحياه صبحت رخيصه
الدنيا مش ديمالنا
والقتل صبح غريزة
طب يا تري العيب في مين
فينا احنا ولا في التانين
فينكم يالي مع محمد عادل متعاطفين
شوفو سالمه راحت فين
المفروض نحبس بناتنا
ولا بس نعمل ايه
مفيش حاجه حيلتنا
دول اتقتلو بس ليه
اللي رايحه امتحانها
واللي ماشيه في حالها
هي يا اما تحبك
يا أما لازم تجيب أجلها
الدنيا صبحت مخيفه
والبشر صبحو وحوش
القوي قتل الضعيفه
والناس مبيرحموش
ربي يحفظ بناتنا واحفظ كل البشر
يارب حنن قلوبنا
صبحنا شبه البقر
صبحنا زي البهايم
ونسينا أننا بني ادمين
الصاحي شبه اللي نايم
مش فارق انت ايه ولا انت مين
احمي يارب كل العالم
واحمي كل المصريين
بقلمي مايسه محمود 🌹
صبحو وحوش
هو احنا فين بالشر..المبدعه/ مايسه محمود
