سمير عبده بخيت
خادم تراب الوطن
تم اليوم اعدام الإرهابي ( معتز حسن و الاخوان ومراكبيهم عاملين مناحة دلوقتي في كل مكان على واحد ارهابي اسمه معتز حسن تم اعدامه النهاردة .
وطبعا شغالين ندب ويكلموا منظمات حقوق الانسان والعفو الدولية والبتنجان المخلل عشان يقلبوا الدنيا على مصر .
طب ايه حكاية معتز حسن ده بقى ؟
شاب اسكندراني خريج كلية هندسة عنده 25 سنة انضم لجماعة الاخوان في 2011 .
في 2013 وبعد فض رابعة انضم لحركة حسم احد الاجنحة المسلحة لجماعة الاخوان .. سافر على السودان واتدرب هناك على استخدام السلاح والقيام بعمليات ارهابية .
لما رجع مصر تاني اتكلف بمهمة مع اخرين لاغتيال مدير امن الاسكندرية .
معتز كان بيقوم باعمال الرصد والاستطلاع وبعدين يوم العملية اخد العربية المفخخة وحطها على طريق مرور موكب مدير الامن .
انفجرت العربية واستشهد 2 من طاقم الحراسة واصابة عدد من المارة .
معتز فضل هربان فترة كبيرة لحد ما الامن الوطني جابه ولقيوا معاه طبنجة 9 ملي وعدد من الذخائر والمتفجرات ، اعترف على زمايله اللي كانوا معاه ، فالأمن الوطني راحلهم مكانهم وحصلت اشتباكات مسلحة لكن الرجالة صفوهم .
اتاخد معتز وكام واحد من اللي اتمسكوا واتحاكموا امام القضاء المدني لمدة 9 شهور كامين اخدوا فيهم كل درجات التقاضي العادية لحد ما تم الحكم عليه بالإعدام ، والحكم تم تنفيذه النهاردة .
شوفت انا حكيتلك الموضوع ازاي .. ارهابي اتمسك بالسلاح واعترف وموت اتنين ومنضم لتنظيم ارهابي فوضع طبيعي ياخد اعدام .. صح كده ؟
لا ازاااااي … الاخوان يطلعوه الشاب البريئ اللي الامن الوحش اخده من بيته وهو قاعد بيذاكر ولفقوله تهمة عشان يعدموه … طب ليه الامن يعمل كده يا اخوان ؟
عشان الامن وحش وبيسجن الناس ويعدمهم .
طب اشمعنى معتز حسن يا اخوان ؟
صوت صرصور الحقل !
عموما مفيش مشكلة كده كده اللي كسر كوباية هيتحاسب واللي ايده اتعاصت دم هيتعدم ..
تحيا مصر العظمي
