بقلم الشاعرة مريم نوار
طب إيه
إحساس غريب
مش واخده عليه
يؤسفني اقول ..
شكلي انا حبيت
م هو مش معقول
هبقي اتجنيت
ليه طول اليوم بفكر فيك
وابتسم مع نفسي ساعات
ولما بنام بحلم بيك ..
يانبض القلب والدقات
بقيت بسرح كتير يعني
واستني لما تكلمني
بخاف قلبك يكون باعني
ده حبك اصله مجنني
وبفتح كل شويه الفون
ادور علي اي رساله منك
اعذرني قلبي انا مجنون
ويموت لو يوم بعد عنك
وع فكره بغير بقي جدا
وبروفايلك براقبه يوماتي
او يمكن مش بطلع اصلا
من شاتك لو حتي ثواني
لا وكمان بقيت توحشني
واتمنى اشوفك لو صدفه
ووحشني انك بتشجعني
لازم يعني تشوفلك صرفه
جايه اقولك بحبك انت
واعذرني انا حبي اناني ..
تعرف عرفت بحبك امتي
لما قريت الشات من تاني
