الزملكاوية ليسوا مشجعين كرة قدم فقط
كتب – سمير محمد على
بمجرد ما بتشجع الزمالك
بتحس انه حاجة كدة بتجري في دمك
بتفرح لفرحه وتحزن لحزنه..
حتي وهو مهزوم تظل تنتظر بشغف رؤيته في المباراة المقبلة .وده بيتحول لمتابعة كل الالعاب في كل المراحل ..
مش مجرد كرة قدم اللي احنا بنشجعها في الاصل
الموضوع أسمي و أرقي بالنسبة للزمالكاوية
مجرد ما تشوف اسم الزمالك او التيشيرت او العلم
بتلاقي نفسك مبسوط وفي قمة سعادتك أيآ كانت النتائج الرقمية والاهم والاجمل ان الزمالك له الفضل الاول والاخير
انه لم شمل حبايب كتير جمعهم حب الزمالك
تحت مظلة البيت الكبير،،،
ومعظم الاصدقاء اصبح التواصل معهم شيء اساسي خارج كرة القدم وتطورت منها علاقات للأخوية وكان بينك وبينهم عشرة من سنين
علي المستوي الشخصي انا طلعت بناس اصبحو اهم صحبة وأهل واخوة بالنسبة لي واصبح التواصل معهم هاتفيا ورؤية مباشرة حين تسمح الظروف شيء اساسي
ونشارك بعضنا البعض في الافراح والاحزان
لك ان تتخيل وتفخر إن كل المحبة دي سببها الزمالك
احنا مش مشجعين نادي
احنا اولاده بكل ما تحمله الكلمة من معني….
تحياتي وتقديري لكل اخواتي الزملكاوية
سمير محمد علي🌺
