كتبت / نانا المصرى
هو الشخص اللي دايما أي مقارنة بتكون في صالحه … والامثلة كتير أوي
♦#اولا هو بيبني حوالي 300 الف وحدة سكنية سنويا بمساحة 90 متر للاسكان الاجتماعي وتطوير العشوائيات بعد ما كانت الدولة المصرية بتبني بالكتير 60 الف وحدة سكنية سنويا وبمساحة 62 متر فقط بإجمالي 2 مليون وحدة سكنية في وقت تم بناء 150 ألف وحده في 30 سنه
♦#ثانيا هو اللي بني محطات كهربا تنتج حوالي 15 ألف ميجا وات في حين ان الدولة المصرية بعد 100 سنة من انتاج الكهرباء وصلت لحجم انتاج حوالي 30 الف ميجا وات ( يعني السيسي زود انتاج الكهربا في مصر 50% في سنتين ) وده اعجاز بكل المقاييس
♦#ثالثا هو اللي بني 6 انفاق تحت قناة السويس في سنتين لربط سيناء بالوطن ربطا حقيقيا بعد ما كان كل اللي بيربط سينا بالوطن نفق واحد وكوبري واحد اتعملوا في 30 سنة
♦#رابعا هو اللي بيعالج ملايين المصابين بفيروس سي وقضي علي قوائم الانتظار في الوقت اللي كانت الدولة بتتعامل مع هذا الموضوع طوال 30 سنة بمنتهي السلبية والتخاذل والانكار رغم ان هذا المرض كان ولا يزال عار قومي
واصبح الان بحمد الله حلم الوصول الي “مصربدون فيروس سي” ممكنا
♦#خامسا هو اللي بني اكبر مصانع للبتروكيماويات في الشرق الاوسط التي سيكتمل بناءها بالتزامن مع بدء استخراج الغار الهائل المكتشف مؤخرا … حتي نصدر الغاز في صورة منتجات بتروكيماوية (وليس غاز مسال) وهو ما سوف يدر علي مصر مليارات الدولارات سنويا
في حين ان الدولة في عهد مبارك اهدرت ثروتنا من الغاز في صورة غاز مسال للتصدير وانتهي بنا الحال الي استيراد الغاز بمليارات الدولارات في السنوات الاخيرة
♦#سادسا هو اللي وصل الصرف الصحي الي 50%من قري مصر في خلال سنتين فقط وبيخطط لتوصيل الصرف الصحي الي كل قري مصر في خلال 7 سنوات
في حين ان الدولة بعد 30 سنة وصلت الصرف الصحي الي 10% فقط من الريف المصري
♦#سابعا هو اللي بيستصلح 1.5 مليون فدان في سنتين في حين ان الدولة بعد 15 سنة من بدء العمل في مشروع توشكي لم تنجح سوي في استصلاح حوالي 100 الف فدان فقط
♦#ثامنا هو اللي بيبني عاصمة ادارية جديدة تستوعب 5 مليون مواطن تضم مباني الوزارات والسفارات بعد عشرات السنين من التفكير بهذا الحلم لانقاذ القاهرة الكبري من التكدس والاختناق التام (وذلك بدون اعباء اضافيةعلي الموازنة العامة للدولة )
ونجح بعد شهور قليلة من بدء العمل في جذب 45 مليار دولار استثمارات صينية وخليجية للمدينة الجديدة في مراحل البناء المختلفة
♦#تاسعا هو اول رئيس بيعمر سيناء بجد وعاوز يزرعها بشر وسكان وبيبني 3 مدن مليونية شرق القناة داخل سينا (الاسماعيلية الجديدة والسويس الجديدة وبور سعيد الجديدة) تستوعب ملايين المصريين في السنوات القادمة وتمثل الامتداد الطبيعي للمدن الثلاثةالقديمة وربط المدن القديمة بالجديدة ب 6 انفاق تحت قناة السويس
♦وكمان هو اول رئيس يعمل طرق طولية مش بعرض سينا ( طريق بورسعيد السويس شرق القناة ) و (طريق العريش النقب طابا )علي حدود سيناء الشرقية . طبعا غير البدء فعليا في استصلاح مئات الالاف من الافدنة داخل سينا
♦#عاشرا هو اللي بينقل مصر نقلة تاريخية في مجال الطرق وبيبني شبكة طرق حديثة 7000 كم تؤهل مصر لاستقبال الاستثمارات الخارجية اللي بتعتمد علي امور كتير اهمهم الطاقة وشبكةالطرق
🔷#كل_ما_سبق_هو_مجرد_امثلة
ده غير منظومة الخبز والتموين والقضاء علي طوابير العيش والبنزين وانابيب البوتاجاز.. وصوامع الغلال والاصلاح الاداري والمزارع السمكية ومعاش الضمان الاجتماعي ومعاشات تكافل وكرامة اللي بتساعد ملايين الاسر الفقيرة
(وطبعا تنمية محور قناة السويس اللي محتاج بوست لوحده)
🔷و #كل_ده بيتعمل وسط ظروف داخلية وخارجية هي الاصعب والاخطر في تاريخ مصر ..
🔷(الفساد والاحتكار والبيروقراطية وخونة الداخل والحرب المستمرة والمشتعلة علي وعي المصريين وتغيير ادراكهم والعمل علي نفاذ صبرهم واحباطهم ) هم اعداء السيسي الحقيقيين وأخطر الاف المرات من اعداء الخارج
لما السيسى يحارب اﻹرهاب فى سيناء يبقى #هيسلمها للفلسطينيين !
أما لما مرسى يحافظ على الخاطفين و المخطوفين يبقى #هيحافظ عليها !
لما السيسى يعمل طرق و أنفاق و سكك حديدية من و إلى سيناء يبقى #هيهجر سكانها !
ذأما لما مرسى يمنح الجنسية للحمساويين يبقى #بيعمرها !
لما السيسى يسلح الجيش بأحدث اﻷسلحة يبقى #خائن و #عميل !
أما لما مرسى يفتح اﻷنفاق من و إلى غزة لتدريب اﻹرهابيين يبقى #وطنى و #شريف !
لما السيسى يقول مش هنتنازل عن سيناء ﻷى حد يبقى #صهيونى !
أما لما مرسى يقول عزيزى شيمون بيريز يبقى #سياسى_محنك !
لما السيسى يكرم شهداء الجيش و الشرطة يبقى رئيس.
أما لما مرسى يكرم قتلة السادات يبقى رئيس #شرعى !
لما الظابط يستشهد بجوار الجندى يبقى جيش #عنصرى !
أما لما قيادات الجماعة تهرب و تطلب من قواعدها اﻹستمرار فى المظاهرات تبقى جماعة #دعوية !
لما اﻹرهابيين يهاجوا الكمائن يبقى جيش #فاشل
أما لما الجيش يهاجم أوكارهم يبقى جيش #قاتل !
#رحم_الله_شهداء_الوطن
#معدلات_الانجاز_كبيرة_ولكن_التشكيك_أكبر
