بقلم ا
لشاعر / هاني الجمل
يامصري قوم شد حيلك دي البلد عايزاك ..
واصحى بقى كفاية نوم….. كفاياك
قوم شوف شباب مصر…..
شايلين علم بلدك ورافعينه في سينا هناك
ده مفيش حد يحمي الوطن…… إلاك .
قوم ..ومتكسلش تاني ..
جيشك معاك ..
سلام وحب على الأحبة ..
وحديد ونار ع اللي في يوم عاداك
قوم يا مصري ..وأدي دورك ..
يا صاحب الكلمة ..
سامع ندا وطنك وقاعد .!!
يلا نبنيها سوا بالإيد و بالساعد .
دي مصر دي ام الحضارة..
وتاريخها شاهد .
قوم يا مصري ..بلاش تهاود أو تعاند ..
مصر بلدك محتاجاك .
مين يقول …..
مين يقول على مصر كلمة
….ومين يقول بعد الرسول ..
. خير أجنادك يا بلدي هما اللي حاميينها فداك
فوق يا مصري ..
فوق يلا يا مصري يا واعي وشيل ..
ده انت الأصيل ..
ده جيش مصر ..
اللي واقف على حيله عشانك ليل طويل
ولو ضحكوا علي أنا وأنت
وضيعوا جيشنا ..ودمروا بلدنا ..
ووقعونا في بعضنا …حملنا هيبقى تقيل .
قوم يا مصري ..
ومين يقوم غيرك ؟؟
غير على بلدك …وحطها جوة عينك
ده حب مصر تاج مرفوع على جبينك
قوم يا مصري ..وربنا هو اللي هيعينك .
قوم يا مصري ..
هو مين يحمي البلد دي م الخيانة سواك
قوم يا مصري ..يا ابن مصر ..
دي البلد عايزاك .
