كتبتها من سنتين
يارب حقق أمانينا
طه هيكل
***************
هنقول له إيه ولا إيه ولا إيه
هنقول له ياريس كفاية علينا
ياريس ربنا يعينك بس شوف الغلابة
هنقول ونعيد ونزيد
الميه والكهربا والغاز ياريس
لازم يرجعوا للدولة
الناس تعبت من المحليات وفسادها ياريس
الإيصال بيطلع مرة واتنين وتلاتة وهو مدفوع
الرسوم مبالغ فيها ياريس كفاية كفاية العصر البائد اللي عشناه
عشنا عصر المياه الملوثة والزراعة المسرطنة وتهريب أجود أنواع قطن مصر لإسرائيل
عشنا جبروت يوسف والي وراندا الشامي
ومحمد الوكيل وسمير رجب وابراهيم نافع
عشنا زمن كان الوزير بيسلم علينا ونفسه يطهر إيده مننا
عشنا زمن قتل الضباط والجنود والقطارات المحروقة والعبارات الغريقة وكان حبيب العادلي بيتحكم في البلد بجبروت وطغيان
هذا عصر الفساد ياريس نفسنا ميتكررش بالكربون
عصر تم فيه تفجير طائرة مصرية بخيرة ضباط وجنود الوطن وقيدت ضد مسطول
عارف ياريس سيبك من التموين والدعم والناس هتدعي لك لو الكهربا والمية والغاز والصرف رجعوا زي من تلات اربع خمس سنين فاتوا
الناس تعبانة ومستنية قرار جمهوري يثلج صدرها بس من غير ماتدفع رسوم ع الثلج
طه هيكل
مواطن مصري
