معلومات تاريخية نقدية طريفة
كتبت : انتصار الحريرى
* السحتوت :
دى عملة قيمتها ربع مليم يعنى الجنيه بيساوى 4000 سحتوت وكان بيتكتب عليه عبارة ( من ربع عشرالقرش ) والاسم ده كان جاى من سوريا وفلسطين
* المليم :
سموه كده على اسم الكلمة الفرنسية « Millieme» ،
بمعنى (جزء من ألف) ،وكان الجنيه المصرى بيحتوى على ألف مليم ، وأول مليم مصرى تم سكه كان فى عهد السلطان حسين كامل ، سنة ( 1335هجرية – 1917ميلادية)
* النكله :
دى كانت بتساوي مليمان يعنى 8 سحتوت ودى جت من الكلمة الانجليزية nickel ومعناها النيكل الانجليزى -( الربع قرش ) ، ..
مليمان ونصف المليم تساوى 10 سحتوت
* التعريفه :
خمسة مليمات وجايه من الكلمة الانجليزية tariff ومعناها الاجرة
* الصاغ :
فهو أصله تركى ، ومعناه ( سليم ) فكانوا بيسموا القرش السليم قرش صاغ
* النص فرنك :
هو القطعة المعدنية الفضية اللى قيمتها قرشين لان الفرنك الفرنسى ساعتها كان قيمته 4 قروش
* الشلن :
ده فى الاصل عملة انجليزية، فالريال المصرى كان (20 قرشا) وكان بيساوى ( 4 شلنات) انجليزى shilling ،
يعنى كل 5 قروش مصرى تساوى «شلن» انجليزى ، فطلعوا عليه الناس اسم شلن –
* بريزة :
توازي عشرة قروش ، وسميت بهذا الاسم حين طلب الوالي محمد سعيد باشا (1854-1863م) من “المسيو براناي” في باريس عام 1862م صك عملة مصرية جديدة تحمل اسمه وتاريخ ضربها ، ولكن مات الوالي سعيد باشا قبل وصول العملة لمصر .. وتولى الحكم الخديوي إسماعيل عام (1863- 1879م) الذي رفض استخدامها تقربا للسلطان العثماني (عبد العزيز) حيث أنها لم تحمل اسم السلطان ، وأعيد ضربها مع إضافة اسم السلطان وتاريخ توليه الخلافة ، فلما تداولها المصريون أطلقوا عليها “الباريزة” نسبة إلى أنها ضربت في باريس –
* الريال :
الاسم ده من زمان اوى من ايام الاساطيل الاسبانية اللى كانت بتيجى بالريال الاسبانى للدول العربية ومعنى كلمة ريال ( ملكى ) وسموه المصريين على القطعة الفضة ام 20 قرش
* الجنيه :
كلمة ليست عربية وإنما هي إنجليزية لعملة إنجلترا التي كانت متداولة بها منذ أربعمائة عام مضت وهي Guinea .. (ينطق: جِني بالجيم المصرية) ، ومع أن الجنيه الإنجليزي كان غير مستخدم عند إصدار الجنيه المصري ، إلا أنه كان مساويا له تقريبا من حيث الوزن ، وأول سكة للجنيه كانت فى عهد محمد على باشا
* مصارى :
ترمز للنقود المصرية حتى الان فى الدول العربية فتعود الى كلمة « مصرية» التى أطلقها العرب على العملة المصرية ( البارة).
