حاله نفسيه

cairo

كلمات/أيمن البكري
إحنا غلابه
إحنا إلي الدنيا كرهانه
عايشين ف ذل وإهانه
إحنا ديمن الحيطه المايله
إلي لكل الحمول شايله
ومهما تلف بينا الدايره
الخوف والحزن جوانا
عايشين ف جراح وأسيه
وبقينا حاجه منسيه
من كتر ألامنا ودموعنا
جاتلنا حاله نفسيه
حاله نفسيه
حاله كل يوم تقابلنا
حاله كل يوم بنعيشها
دي ناس مش عارفه تعيش ف الدنيا
من كتر أحزانها وخوف
عايشينها ف ذل وهم
طعمها بقا ذي السم
لايوم كان فيها أمل ليهم
ولا غير المر بتسقيهم
سهل تاخد منهم
صعب قوي تديهم
ياما ناس ف الدنيا تعبانه
وف بحر همومها غرقانه
وهيعملوا بس إيه
ف دنيا أسيه عليهم
بتهد كل يوم فيهم
داه الموت بقا أحسن ليهم
من إلي هما فيه
وياما هنعيش وياما هنشوف
وياما شفنا ف الدنيا كتير
ناس متعرفش يعني إيه معروف
وناس بتخاف ل تعمل خير
وناس عايشه ف قصور عاليه
وعلي أي حاجه مش باقيه
وناس ساكنه ف عشش
وحتي القمه مش لاقيه
وناس تسرق وناس تنهب
ولا حد بيسألهم علي حاجه
وناس من غير ما تعمل حاجه
بتروح ف ستين داهيه

Related posts