هزيمة ابي احمد من التجراي

هزيمة ابي احمد من التجراي
***************************
سمير عبده بخيت
خادم تراب الوطن
°°°°°°°°°°°°°°°°°°°°°°°°°°°°°°°°
قولو لابي احمد المجنون
نهايتك قربت يا ملعون

مقدرتش علي إقليم في بلدك
وتقدر علي مصر اللى حتهدك

انت مقدرتش علي شويه متمردين
وتقدر علي مصر صلاح الدين
والسيسي زعيمها وحارسها الأمين

جيشها اللي انتصر في تلاتة وسبعين
وفي موقعة سور و كمان حطين

لنقلك ابعد احسن لاتشيل الطين
وشوف عملنا ايه في الإسرائيليين

وفي قردوغان وتميم والماسونين
ومحينا وجود الإخوان الإرهابيين

ومصر باقية رغم كيد الكائدين
ومصر شامخة وباقية ليوم الدين

أبي أحمد بتاع أثيوبيا بقاله شهور بيطلع بالطيارتين اللي حيلته يضرب اقليم تيجراي و يقتل مدنيين و اطفال , و يعمل نفسه سبع رجاله في بعض , و بعدين يلاقي انه مش هيقدر يعني و مابيعرفش فيروح يجيب قوات من اريتريا تضرب نفس الناس اللي في الإقليم عنده ( يضربو أهل بلده ) , فيطلعو هما كمان مابيعرفوش , قامو مقاتلي تيجراي النهارده أعلنو سيطرتهم على عاصمة الإقليم , و أبو احمد وافق على وقف اطلاق النار يعني اقتنع أخيرا انه مابيعرفش , و ساب لهم الإقليم و الجمل بما حمل .

جبهة تحرير التيجراي تعلن كامل سيطرتها على مدينة «ميكيلي» عاصمة الإقليم بعد انسحاب وفرار القوات الفيدرالية الأثيوبية، والحكومة الإثيوبية تعلن وقف إطلاق النار من جانب واحد في الإقليم
.
الأيام اللي فاتت حققت جبهة تحرير التيجراي عدة انتصارات متتالية على القوات الفيدرالية التابعة لأديس أبابا وأسرت عشرات المئات من ضباط وجنود الجيش الأثيوبي، كما نجحت في اسقاط طائرة النقل العسكري الوحيدة اللي بتملكها القوات الفيدرالية من طراز C-130 Hercules ودمرت عشرات المعدات العسكرية وعربات الدفع الرباعي اللي بيستخدمها الجيش الأثيوبي ، وأستولت أيضا على بطاريات صواريخ كغنيمة من الجيش الإثيوبي المنسحب من الإقليم.
.
انا بس عايز أوضح جزئية هامة ،، «التيجراي» دول اللي كان منهم «ميليس زيناوي» رئيس وزراء أثيوبيا الأسبق واللي كان صاحب فكرة ومهندس اقامة السد وهو من قام بوضع حجر أساسه عام 2011 ،، يعني هما ما يختلفوش عن قوات آبي أحمد وعن أي مجموعة عرقية أخرى في أزيبوبيا فيما يخص ملف سد النهضة، بل ربما اسوأ .. يعني برضه ما تفرحوش بالانتصارات دي أو حد يكون متخيل انهم لو سيطروا مثلا على مقاليد الحكم هيتنازلوا عن فكرة السد أو يقدموا تنازلات بخصوصه .. موضوع السد ده أكبر من أبو أحمد وأم أحمد وأي أحمد في تلك الدولة المـ&ـلعـــ&ـونة ، وهو الشئ الوحيد اللي كلهم بيتفقوا ويتوحدوا عليه ويلتفوا حوله ..صحيح انه خبر جيد لأنه بيعني إضعاف وإنهاك الجيش الأثيوبي المتهالك أصلا ، بما يعني المزيد من الضعف والتفكك ، لكن أكتر من كده محدش يتعشم في حاجة من الأشكال دي.
.
وعموما نتمنى للأشكاء الأزيبوبيين المزيد من الانهيار .
.
إتهزم من شوية مسلحين وبيطلب وقف إطلاق النار علشان يلم هزيمته ، وعايز يعمل راسه براس مصر ويتحدي دولة بتمتلك أقوي جيش في المنطقة ورئيسها قائد عسكري قبل مايكون رئيس!!

طب والنبي يا عم أبو احمد , انت ماقدرتش على شوية مقاتلين بيحاربو بالبندقية و الشومة و النبله و عصاية الغلية , تفتكر ممكن تصمد قدام جيش مصر لمدة كام ثانية ؟

معرفش ده من حظ مصر الحلو ولا السئ إن دايماً يطلع أعدائها بعقلية متدنية سواء جماعات زي الإخوان أو حكام زي آبي أحمد وإردوغان!!

تحيا مصر العظمي

Related posts