صبية شاعرة ابياتها رشيقة صوتها مبحوح كتبت هذه الابيات الرائعة :

شعر :- بيار غصوب /ايه ناصر
صبية شاعرة ابياتها رشيقة صوتها مبحوح
كتبت هذه الابيات الرائعة :
روحي ما بتعرف تضحك
صوتا مبحوح
جرحي ما بيجرح جرحك
جرحي مجروح

اطلق قلمي ما كتبتaya Aya Nasser III
فكانت هذه الابيات:

روحي رح تلحق روحك
مطرح ما تروح
ولو شي مرة ضيعتي
قلبي المجروح
تبقي عاقلبي فوتي
بابو مفتوح
اجابت شاعرتنا :

قلبي اللي بصدري صاير
طير ومذبوح
ونبضو اللي كاين طاير
عندي مشلوح

وكان ردي على رقي كلماتها:

بعدو عطرك عاكمي
مطرح ما بروح
كل ما اخذلي شمي
بترجعلي الروح

مش حلوي اخر ضمي
من ثلاث حروف
شمي العطر العا تمي
تمي ملهوف

ادم فل من الجني
معتر مطروح
بيصرخ من قلبو حني
حوا تيشوف

ادم راح يروي عني
صاير مكشوف
انتي الجني بالجني
وغيرك ما بشوف

باكل التفاح يمني
وخيالو يسوح
بلون التفاحة الحمرا
الخدا ملفوح
بعطرا ووردات الحني
حوا ..بتفوح

Related posts