بقلم:-معوض حلمي الفلاح الفصيح
سـباعــــــــــــــــــــــــــــــــــــــــــــــــــية
ــــــــــــــ سيبك من النيات ــــــــــــــــــ
بعد رحله ف سـاحه هايجه وخلطبيطه
بعد حكـمه فيها خلطه م القباحه والجمال
ع المـوائد ف المـوالد والحكايات اللقيطه
ناس بتعـمل زار ، وترجــــوا الإكتــمال
وناس كلمـتها حــلال ، سـهـله وبســيطه
بيبـنوا حيـطه ، بين القـــيم والإنحـلال
والسـوق بيـعرض سلعته ، بيغـوي العقـول
الحلال ويا الحرام لابسين بدل متشابهات
وانت الحكم ، لو ناوي تبـقى م العدول
الخطوه تمشيها بأصول ، سيبك من النيات
النـوايا ألوانـات ، نيه بيـضا ونيه غـول
فاوعى تمشي ف سـكه فيها إسقاطـات
فيــها زيطـــه وزمبليــطه وإســــفافـات
خاليه طبعاً م الكرامه ول استقامه ول اعتدال
ــــــــــــــــــــــــــــــــــــــــــــــــــــــــــــــــــــ
بقلمي .. معوض حلمي الفلاح الفصيح
منشأة بطـاش / تمي الامـديد / دقهليه
