الوقت مش مناسب
شعر : كرم شعيشع
الوقت مش مناسب
ولازم لكلامنا نحاسب
لو كان الكلام تجارة
يبقى الصمت مكاسب
الوقت عدى ورايح
ياست ام روايح
ومع الشيخ حسنى
السهرة على الفضايح
فى الدنيا خليك زاهد
دا الوقت علينا شاهد
بلاش تشرد الخلق
فى عزاء عم مجاهد
دى الدنيا زى عزبة
افهم ياعم الحسبة
خد بالك ياشخ
وانت سايق الفيزبا
موت فراخ وطار ريش
ولازم يكمل ويعيش
دا بخفة خبئ فى جيب
اللى جنبه الحشيش
عايش بسخاء وكرم
لانه راجل محترم
دا حتى دخل الحبس
علشان يزور الهرم
راجل قلبه حديد
وفى عقله اصرار وعنيد
كان عامل مفتح ياعينى
على عم الشيخ عبيد
راجل افكاره حرة
عايش فى دنيا مرة
كان عايز يلم قرشين
علشان الواد يوسف
يسافر بلاد برة
راجل بعقل ادارجى
جاب يافطة على المحل
علشان ياخد خلو
من صبحى الفرارجى
دماغه دماغ معلم
وفى اى شئ يتكلم
الفرارجى بعت اللى
ضرب عطية مطواة
جاب ورا نخ وسلم