يا فانوس حـــارتنا الـــورق … نـــور ظــــلام بــــــلادي
رجعــــلي حــــلم اتســــرق … وأحكيــــه انـــــا لأولادي
هــــو طريقـــي له مفـتـرق … ولا اكمل كـــدة عـــــادي
نفسي اعرف هو انا مظلوم … ولا انـــا بالظــلم بـــــادي
وليـــه اسمع صـــوت البوم … واسيـــب البلبل الشـــادي
وليه مجبر اعيش محــروم … ومملكش حتى إسعـــادي
فكرني يا فانوس رمضــان … بأيام ما عاشوا اجـــدادي
فــكــرني بـأيــــام زمــــان … وليلك الجميل الهـــــادي
……………………………………………………………..
يا فانوس حـــــارتنا الورق … نــــور دروب بـــاخـــت
نور قلووووب خـــــربانة … وعقول من الحيرة داخت
بقت عامــلة زي جـــــذع … نخلة عجــــوزة وشــاخت
هترجعلي ايامنا الحــــلوة … ولا هي خــــلاص راحت
……………………………………………………………..
يا فــــانوس حارتنا الورق … نور على شــــوارعـــنا
ده نــــورك الـلي اتحــرق … يـــامـــا طيب مواجعـنا
والمسحراتي لمـــا مــرق … صحانا من مضــاجــعنا
وصــــوت ادان الفجـــــر … صــــداه في مســــامعنا
وفي صــــلاة التراويــــح … نمـــلى احنـــا جـوامعنا
وفي العشــــرة الاواخـــر … تـــنـــزل مـــــدامــــعنا
والحــــزن يخـــيم علينــا … وقلـــوبنـــا بتوجـــعـــنا
كأنك حبـــيــب مســــــافر … جـــــــاي يــــــودعنــا
يــــا تــرى كســبــنا فيــك … ولا خســـرنــا ودايعنــا