موتوا فيا المشاعر

شعر:  سهير بدران

موتوا فيا المشاعر

موتوا فيا المشاعر

موتوا فقلبي الشعور

كان كل مابيا شاعر

أصبح من غير شعور

دوامه شتتني

مش حاسس باللي بيا

ولا عارف الرجوع

وفين راحوا الحبايب؟؟؟

فين قلبي اللي غايب؟؟؟؟

وفين ريحة الورود؟؟؟

زايده زايده آهاتي

راح النور من حياتي

وآه من كل حاجه

وآه وكمان آهين

حبيبتي لملميني

بإيديكي إلمسيني

لبي لبي الندا

ياحنيني ,ياسنيني

بلاش تألميني

دا الشوك في كل حته

بقي فرش وغطا

سنيني بتناديكي

عايزاكي بتناجيكي

عايز حبة دفا

تعالي طببيني

وعن الهم إبعديني

عايز احس الهنا

نسيني عمري كله

نسيني سنين الضنا

وخديني لدنيا تانيه

انا عايز اعيش في جنه

يكفاني يومين ياعمري

ياحبي وكل قدري

انا يكفاني إنتي

بس من كل الدني

 

Related posts