شعر.قصيدة “ياللى ماشى”بقلم أكرم شعيشع

 

ياللى ماشى فى الحياة
وقلبك بيكون لك دليل
بتعدى يومك
إن كان اّلم فى أخره ليل
أو عمل شاق فى نهار طويل
المهم انه يعدى
مش مهم إن كان سعادة
أو حتى ويل
وهو دا حال الدنيا
مكان فيه فرح
ومكان تانى فيه بكاء وعويل
ولسة صابر لان الصبر
أخره جميل
المهم إن قلبك
مايعرفش كلمة مستحيل
وهدفه حلمك والنجاح
ولاتقبل بغيره بديل
ودايما بتتخيل خطوتك
هى بداية الالف ميل
وعمر الفشل ماهيكسرك
ولا تكون له ضعيف وذليل
دى المية مهما غابت عن
الزرع
فى لحظة تلاقى المطرة
سيل
وخد الفلاح رمز مالوش مثيل
يضرب الارض بالفاس
يطلع زرع قوى شديد
الحيل

Related posts