بيتزا نوتيللا:
فنون مطبخية
دينا جمال رفاعي
المقادير: كوبايه ونص دقيق / ربع كوبايه لبن دافي / معلقه كبيره ممسوحه خميره / معلقتين كبار سكر / اقل من ربع كوبايه زبده سايحه / بيضه / رشه ملح / معلقه صغيره فانيليا / شويه مايه صغيرين للعجن / نوتيللا / موز / فراوله / صوص شكولاته
الطريقه:
1- اول حاجه نحط معلقه الخميره في شويه مايه دافيين مع معلقه سكر ونسبها شويه لحد ما تعلي
2- نحط الدقيق وعليه معلقه السكر التانيه والملح والبيضه والفانيليا واللبن والزبده ونعجن كده شويه وبعدين نضيف الخميره ونعجن تاني كويس اوي ونشوف بقي محتاجه دقيق او مايه لحد ما العجينه تظبط معانا
3- ونغطيها ونسبها تخمر ساعه مثلا ونطلعها ندهن صنية زيت خفيف اوي ونفرد فيها العجينه ونخرمها بشوكه وبعدين ندخلها الفرن يكووون سخن علي درجه 180 وبس نشوف الحروف اخدت لون نقفل ونفتح الشوايه تاخد لون خفيف اوي للوش ونطفي ونطلعها نسبها تبرد شويه
4- نحط عليها نوتيلا والموز والفراوله وصوص الشكولاته ونقدمها وبالف هناااااا 😍
( مش هقووول اي حاجه علي طعمهاااا اكيييد شكلهاااا كااافي جربوهاااا ❤😍 )
( طبعا التقديم براحتكو والفاكهه كمان زي ما تحبو 😉😉)
