انا انسان

 

بقلم ميلاد حنا

ماتسالونيش عن اسمي

ماتسالونيش عن ديني

راح يفرق اية لون جسمي

ما انا واقف قدامكم اديني

المهم أن انا انسان

بعشق تراب الوطن

واحس بالغلبان

و ازعل اوي لو جاري بات جعان

علشان انا انسان

همكم هو همي

دمكم هو دمي

حط ايدك ف ايدي

وطنا يبقي اجمل الاوطان

و نقبل بعض مهما ان كان

ومهما اختلفت الاديان

انا انسان

علمونا يعني اية

حب الحياة

ولو مش طريق نوصل مداة

علمونا الانتماء

انتماء .. يعني اية انتماء؟؟

يعني مصر هي امي

ودة مش كلام

يعني نيلها هو دمي

مش اغاني والسلام

انتماء.. يعني لما يتقال

اسم مصر أقف انتباء

وان الاختلاف دة شئ جميل

بس يكون بينا خلاف مستحيل

علموا اللي مايعرفش

يعني اية الانسانية

علموهم المحبة ف الحياة

حاجة عادية

علموهم يشتروا بدل السلاح

قلب و ضمير

علموهم يشتروا بدل الجراح

أفراح وخير

علموهم يخلوا قلبهم دائما كبير

حط ايدك ف ايدي وطنا يبقي اجمل الاوطان

Related posts