الشمس غمضت

بقلم د.زبنب الشربينى
الشمس غمضت
وروحت ونامت
وضاعت منا الذكريات
واحنا مش شايفين
ولا ساكتين
ليه كل كده
دا الحلم لسه بيبتدي
و بيتولد جوانا من جديد
والحياه ماشيه
ومش قادره علينا
والضحكه مش صافيه
ولا صادقه
والدموع فوق الخدود
والدمعه قريبه
يتنزل وملهاش حدود
ولا حد قادر عليها
ولا حاسس بيها
والشمس ماشيه وغابت
ومش شايفه الدموع
حتى من فوق السطوح
وبقي الجرح
والشمس ماشيه
ولا هي هنا
ماشيه مضلمه
وتقول لي اضحكي
لازم أضحك
وامشي وسطهم
وكلهم مستكترين
عليا الضحكه
وبيحسدوني عليها
حتى البسمه
.والنسمه الشقيه
وهي معديه عليا
ومهديه بجد
صدفه من الزمن
اني أضحك
خلاص الشمس
ماشيه ومضلمه
ما بقي منها غير شعاع
ولون عنيها احمر
ساعه المغربيه
شايفها خط بسيط
ادام عنيا
وشايفه ورده جميله
مع طفله
ماسكاها في ايدها
وواقفه بتتكلم مع الشمس
وهي ماشيه
بتقولها خليكي شويه
وانتى موجوده يا شمس
انا مدفيه
حتى الطيور يتغرب
وبتسبق الشمس
عوزه تروح عشها
والليالي هيا هيا
كفايه عليا السنين
مافيهاش حنين
بس ارجع اقول
على الأصل دور
ماهي الشمس دايره
والزمن بيحب
وبيتغير
والليل بيستعد للنهار
والنهار نور
و حنين وأمل وصمت
والاشواق بتزيد وبتهرب
وانا مش قادره
أطوي ذكريات الزمن
ولا الليل اللي مليان سواد
ولا انتظر طلوع الفجر
اشوف الأمل
وضي النور
ونور النهار
يمكن اشوف طريقي
ويتحقق المستحيل
بعد الليل الطويل
مين زيك يا شمس
شمس الاصيل
أول مره تغيب
وبتستخبي
وراء السحاب مني
مهما دارها السحاب
بتطلع
حتى لو شعاع
بينور طريقنا
ويدينا دفئ وحنان
يا شمس ارسمي
على وشوشنا الضحكه
واملي قلوبنا بهجه
وامحي آلامنا واحزانا
ونوري عقولنا
واديني الأمل في بكره
ها ابذر البذور
هاتديني حنين
وورد وحب وراحه وأمان
وتطرح البذور كل يوم
استعدي وافرحي
الأرض مليانه
بالبسمه والخير
عمرها ما تحرق زرعنا
الأرض خصبه
مافيهاش حقد ولا زعل
أرض كلها
وفاء ونقاء ونماء
والشمس بتدي الخير
وكل يوم أمل جديد
يا شمس حياتي
أشرقي واحصدي الحب
واسعدني واسعدي
وانسى همومك
وابعدي وازرعي
هاتحصدي خير
هاتحصدي

Related posts