يعنى_ايه_دوبلاج

  • تاريخ النشر :
  • عدد المشاهدات : 185 4 5

كتبت/ مروة_الابياوى

الدوبلاج هو كلمة فرنسية ” doublage ” بمعنى فن التمثيل الصوتى وتلوين الصوت حسب الشخصية اللى بيتقمصها الممثل الصوتى voice actor .
فى الدوبلاج الممثل مش ⁦بيظهر بشكله لكن بيظهر بصوته .
زى مابيحصل فى افلام الكارتون بيتم دبلجة الفيلم بالعربى
زى محمد هنيدى لما مثل فى شركة المرعبين المحدودة دور كورتى البعبع ، عبد الرحمن أبو زهرة فى فيلم الاسد الملك فى دور سكار عبلة كامل فى دور دورى فى فيلم البحث عن دورى.
فى الدوبلاج المخرج بيقوم باستبدال صوت الممثل الاصلى للفيلم بصوت الممثل الى بيدبلج الفيلم.
يعنى ممكن تلاقى فيلم اجنبى والممثل بيتكلم عربى يعنى مثلا انجيلينا جولى لو الفيلم تمت دبلجته للغة العربية هتلاقيها بتتكلم عربى
والمخرج أثناء عملية casting ” اختيار الممثلين ” بيختار أقرب صوت متشابه مع صوت انجيلينا عشان المشاهد يشعر أن الفيلم وحدة متكاملة ، وان مفيش فصل بين شكل الممثل وصوته
الصوت هو الأداة الأساسية فى الدوبلاج يعنى الممثل بيعتمد على الصوت اعتماد كلى أنه ينقل مشاعر وأحاسيس الشخصية الأصلية للفيلم بمنتهى الدقة والحرفية والإبداع عشان المشاهد يشعر وكأنه مع صوت الممثل الاصلى، طبعا ده بيكون مش سهل لكن مع التدريب والخبرة بيقدر الممثل يتقمص اى شخصية الممثل اعتماده الكلى على الصوت لان مفيش وسائل مساعدة ليه زى السينما⁦ ” زى الإضاءة والاكسسوارات ومكياج الشخصية ” مثلا لو شخصية بتقوم بدور شر فى السينما المكياج والاكسسوارات ممكن تنقل لك أن الشخصية دورها شر لكن فى الدوبلاج مافيش اى وسائل مساعدة للممثل الصوتى غير صوته اللى بيلونه بمشاعره وروحه وده بيتطلب مهارة عالية جدا من الممثل .
ستانسلافسكى بيقول ” اذا اردت اختبار ممثل اختبره من وراء ستاره ” فالممثل الصوتى فى الدوبلاج بيكشف مهارة الممثل وتمكنه فى تقمص ونقل الشخصية للمشاهد .
وقد أبدع ا.يحيى الفخرانى فى فيلم toy story 3 لانك لو سمعت صوت ” وودى “وهى الشخصية الى قام بها الفخرانى هتلاقى أنه أبدع فى الصوت ، مش هتلاحظ ابدا أنه صوت يحيى الفخرانى ، ده لانه تقمص الشخصية واتقن أداؤها الصوتى
الدوبلاج بيجمع الحضارات معا من خلال أنه بينقل عادات وتقاليد البلد للبلد الى بيتم الدبلجة لها لذلك يجب على السيناريست اللى بيعد النص يضع فى الاعتبار اختلاف الثقافات
فى المقالة القادمة بعون الله هنتكلم عن مراحل الدوبلاج انتظرونا
تعليق_صوتى
voice_over
dubbing
صوتك_تميزك

الاقسام

كلمات المشاركة

تعليقات الموقع

تعليقات الفيسبوك

ابحث معنا

مساحة اعلانية




اخبار عالمية

وزير الخارجية سامح شكري يستقبل نائب وزير خارجية اليونان

        وزير الخارجية سامح شكري يستقبل نائب وزير خارجية اليونان كتب خميس اسماعيل  استقبل سامح شكري وزير…

شاركنا صفحتنا