نداء الى كلا من الرئيس السيسي و اللواء محمد توفيق وزير الداخلية

السويس /رمضان محمد
نقدم لمعاليكم ضابط بدرجة انسان يجب أن يحتذي بة بعض الضباط.
نرجوا الاستجابة ورجاءمن مواطن يرجوا النظر في تكريم هذا الضابط الخلوق ليؤكد دائما بأن الشرطة في خدمة الشعب.
هذا هو النقيب / محمد شحاتة ضابط بمباحث تأمين الطرق فى الكيلو ٢١ الموقف الي عمله بصراحه موقف في قمه الرجولة والجدعنة.. بياع سوبر ماركت بيجري ورا طفل لا يتعدي ال ١٠ سنوات و بيقول حرامي و كان الطفل بيجري اتجاه الضابط و لم يكن يلاحظ وجود ضابط شرطه فإذا اصطدم الطفل بالضابط و اذا ببياع السوبر ماركت بيقوله الله ينور يا باشا ده حرامي الضابط تجاهل بياع السوبر ماركت و بص للولد و قال له انت اخدت ايه فوجد في ايده كيس عيش و كيس شيبسي فالطفل بص للضابط و قاله ونبي متحبسنيش يا باشا قاله متخفش يا حبيبي و قام اخرج محفظته امام الناس و بص للبياع قاله بكام دول قاله ١٥ جنيه و خرج الضابط الفلوس من المحفظه و قال للبياع امسك وليس من باب المنظرة ولكن الحدث حصل وسط منظر تعجب منه الناس قاله يا باشا ده عيل متشرد حرامي متعود يعمل كده سيبهولي بس انا هاكله علقه اخليه يحرم نظر الضابط للبياع نظره غضب و قاله كلمه بقيت ترن في اذني لما طفل عنده ١٠ سنين ياخد منك اكل و يجري ده ميبقاش اسمه سرقه ده يبقي اسمه جوع يلا يا استاذ اتفضل روح علي محلك وسط ذهول كبير من الناس إن الضابط ميهمهوش منظره وسط الناس ولا برستيجه و يدور بين الضابط و الطفل حوار في قمه الروعه و الطفل بعد ماكان منهار في البكاء يمشي بيضحك و هو بيقول للضابط يا باشا انا لما اكبر هدخل الشرطه و ابقي باشا زيك و ابتسامه جميله من الضابط فعلا مش هقول للضابط ده غير تسلم اليد الي ربتك ده يدل علي ان شرطه مصر لسه بخير و ننشر الإيجابيات زي ما بننشر السلبيات
مثال محترم لظابط الشرطة انسان قبل ما يكون ظابط شرطة ابن ناس بمعنى الكلمة

ربما تحتوي الصورة على: ‏‏شخص واحد‏، و‏‏جلوس‏‏‏
ربما تحتوي الصورة على: ‏‏شخص واحد‏، و‏‏بدلة‏‏‏
ربما تحتوي الصورة على: ‏‏شخص واحد‏، و‏‏يبتسم‏، و‏‏وقوف‏‏‏‏

قد يعجبك ايضا