لصوص النصوص : إمسك حراااااااااااااااامى

بقلم الشاعر السكندري / فؤاد ابراهيم

هذا الرجل قام بسرقة أحد نصوصي بعنوان مشهد قديم ونشره بإسمه علي صفحته بعد أن أجري عليه بعض التعديلات الركيكة التي أساءت الي النص للاسف
سأنشر لكم النص الأصلي أولا وبعده النص الذي قام هو بنشره واحكموا أنتم ولاحظوا إن فرق التاريخ يوم واحد بين المنشورين
أولا : منشورى

(( مشهد قديم ))
الشاعر فؤاد إبراهيم
١٣ أبريل ٢٠١٨ ·
مشهد قديم
———-
وبنصلى ..
ونرفع للسما إدينا
نقول يارب قوينا
على همومنا
وقوت يومنا
وخلى عرقنا فى هدومنا
يزكينا فى يوم العرض
جنب الفرض
واما الصبح يتنفس
تنادينا شقوق الأرض عطشانه
فنرويها
فتتبسم
خضار صابح
بيتنسم
عبير طارح
بأحلامنا
يكَفـِّينا ويكْفِينا
مرار الذل والحاجه
ماطول ما النفس محتاجه
بتركع للى يديها
وانا والأرض متفقين
ما نركع إلا للخالق
ولو نغضب ونتخانق
لا يوم نهجر ولا نفارق
أنا والأرض حدوته
ماهيش ساقيه ولا توته
ولا عاشق كواه الشوق
بيتغزل فى بنوته
أنا والأرض عرض وقوت
أنا والأرض م الآخر
حياه أو موت
بنبدأ يومنا بعباده
ونشقى ف يومنا بزياده
ويخلص يومنا كالعاده
ونتجمع فى حضن الدار
أبويا وأمى واخواتى
وليل شابك فى طرف نهار
وسهرايه
وكام حدوته وحكايه
وييجى النوم
يطبطب ع الجفون فنقوم
وابويا يقول لى نام بدرى
تقوم بدرى
يجيك الرزق من بدرى
أحب إيديه
وأتمرغ فى حجر امى
واقول ضمى
وشدى الضمه لفينى
وخبينى ودفينى
تنام عينى على غنوه
ومن غنوه لحدوته
وملتوته حكاويكى
أتوه فيها
وأدوب فيكى
وأحلامى على إديكى
فراشة ليل
بتتمسح فى نور قنديل
يلف يميل ليحرقها
يشوقها البعاد ترجع
يزهقها
تدوب أكتر
تفوقها
نسايم صبح بتكبر
تفوقنى
طيور سابحه
وبتسبح على سبحه من الفضه
وأتوضا
ببواقى البدر
أبويا يقوم يطوقنى
بعباية الفجر
ونصلى
ونرفع للسما إدينا
نقول يارب قوينا
على همومنا
وقوت …….. .

————————–

#الشاعر_فؤاد_إبراهيم

تعالوا بقى نشوف الأخ مصطفى كامل عمل إيه

‏‎Mostafa Kamel Saleh Karika Jkd
‎‏
١٤ أبريل ·

Mostafa Kamel Saleh
١٤ أبريل ٢٠١٨
وبنصلى ..
ونرفع للسما إدينا
نقول يارب قوينا
على همومنا وقوت يومنا
وخلى عرقنا فى هدومنا
يكَفـِّينا ويكْفِينا
مرار الذل والحاجه
ماطول ما النفس محتاجه
بتركع للى يديها
و انا و كرامتى متفقين
ما نركع إلا للخالق
ولو نغضب ونتخانق
لا يوم نهجر ولا نفارق
أنا و هى حدوته
ماهيش ساقيه ولا توته
ولا عاشق كواه الشوق
بيتغزل فى بنوته
أنا و هى عرض وقوت
أنا و هى من الآخر
حياه أو موت
بنبدأ يومنا بعباده
ونشقى فى يومنا بزياده
ويخلص يومنا كالعادة
وليل شابك فى طرف نهار
وسهرايه
وكام حدوته وحكايه
وييجى النوم
يطبطب ع الجفون فنقوم
تنام بدرى
تقوم بدرى
يجيك الرزق من بدرى
نسايم فجر بتكبر
تفوقنى
واتوضا
ونصلى
ونرفع للسما إدينا
نقول يارب قوينا
على همومنا
وقوت يومنا ……
ومن تانى نعيد اليوم
———————
هااااااااااااا إيه رأيكم ..؟

قد يعجبك ايضا