صرخة تونسية

  • تاريخ النشر :
  • عدد المشاهدات : 142 4 5

 كتبت: مريم السعيدي

تونس الخضراء

نعيط…نصيح….وماني وحدي…..
نصيح ….نعيط…ونزيد نصيح فوق الصياح صياح…
نعيط وماني وحدي…صياحي عنده سنين ومنين…
وزادتني العقارب تسمم في دمي….
نصيح…ونزيد ….نصيح….ونشوف الضحكة في عينين الشماتة..
ااااااه …ااااه ….ااااااه يااااولاد بلادي …وياااابنات بلادي قلبي تعبى …
لشكون نشكي ….لشكون نحكي…لشكووووون…….
اتشربت عقول النسوة والرجالة ….
تسهبت عقولهم وللارهاب هزوهم ……
اقتل بوك ….باش تشوفو في الجنة….
اذبح امك …..باش تنسيها دمك….
وقطع اختك …..باش للعار ماتهزك…
قالوا هك بسم الدين ….
سجل واكتب ياتاريخ…..
نصيح…ونزيد في الصياح صياحين….
ونعيط ونزيد في عياطي عياطين …..
نندب خدودي من حياة الكدرة…
ي_______________ا تونس…..ي________ا تونس….
رجالك صناديد ماتعرف غدرة …..
نساك لحراير تلقي للارهب صدرها…
تلقى قدرها مافم حد ينجم يكرفطها…
ماعاد فرق بين الولد والبنية …والولد ضيمهم فرد ضيم…
ياخوووووووتي …ياخوتي اش باش نحكيلكم يااااا ساااامعين شقايا…
يااااخوتي نا مقهورة …عيونهم على بلادي مرصودة….
نتحداهم ….نتحدى السفاك اللي يطارد فيك وفي….
نتحداهم….نتحدى اللي يريد اغتصاب بلادي…..
تونس ولادة ونا وقادة ..
تونس ولادة ومحبتها هاهو صائر غادي…يييييييييييييييييييح ……ونزيد نصييييييييييييييح….
نصيح ونزيد نصيح بالقهائر …ونعبر ومانخالف غدائر….
تونس ولادة …لانخاف من شماتة رجالها …
صناديد….ونساها ملقيات صدورها

الاقسام

كلمات المشاركة

تعليقات الموقع

تعليقات الفيسبوك

ابحث معنا

مساحة اعلانية




شاركنا صفحتنا