خضار بالزعتر واللمون: فنون مطبخية

 

 

خضار بالزعتر واللمون:
فنون مطبخية
دينا جمال رفاعي

المقادير: 6 وحدات كوسه / جزره كبيره / كبشة بسله / شريحيتين جنزبيل فريش / بصله بيضا مقطعه اربعه / 4 فصوص توم سليم / واحده طماطم مقشره ومقطعه اربعه /
تلت ورقات نعناع فريش / عودين بقدونس فريش / اقل من ربع كوبايه مايه
الصوص ( عصير لمونه كبيره / زعتر شويه حلوين / ملح / فلفل اسود / بابريكا ) / صدور فراخ مقطعه شرايح

الطريقه:

1- اول حاجه نجيب الفراخ ونحطها في طاسه ونسبها تلت ساعه كده تقريبا من غير ما نحط عليها اي حاجه خالص ونطفي ونسبها علي جنب

2- نجيب بقي الخضار ده كله يكون مقطع الكوسه والجزر والبسله والطماطم والبصل والجنزبيل والنعناع والبقدونس
نحط كله علي بعضه وعليهم الفراخ

3- نجهز التتبيله عصير اللمونه والزعتر والملح والفلفل والبابريكا واقل من ربع كوبايه مايه ونقلب كله كويس ونحطهم علي الخضار ونقلب حلو ونغطيهم بفويل وندخلها فرن علي 180 ونبص عليه اول ما كوسه بس تدخل فيها شوكه كده بطفي وشغل شوايه تاخد لون واقفل وتتقدم وبالف هناااا 😊

( طعم و ريحة الخضار تحففه جدااا وصحيه ومفيده جداا جداا ممكن تزودوا فاصوليا او فلفل اخضر والوان زي ما تحبو
المهم مش بحط بطاطس عشان بتاخد سوا اكتر من كل الخضار وبفضل كله يستوي مع بعضه ويبقي ناشف شويه الخضار مش مستوي للااخر 😉😉)

( البصل يكوووون ابيض مش الاحمر عشان لما يتغير لونه يبقي شكله حلو لكن الاحمر لونه بيتغير ويغمق بيبقي شكله مش لذيذ في الخضار 😉😉 )

قد يعجبك ايضا