“بنطبخ البطاطا بدل البطاطس”.. كيف يتحايل المصريون على ارتفاع الأسعار؟”

  • تاريخ النشر :
  • عدد المشاهدات : 72 4 5

كتب. تامر علي ابوالشيخ

يقف صادق محمد، تاجر بطاطس في سوق بولاق الدكرور للخضار، أمام عربته يقطع البطاطا الحلوة قطعًا صغيرة، تمهيدًا لبيعها بديلًا عن البطاطس بعد القفزة الكبيرة في أسعارها.

 

يقول محمد، ل (اخبار العالم) بينما ينهمك في تقطيع البطاطا: “الناس بقت تاخد البطاطا تطبخها بدل البطاطس”.

 

وتشهد البطاطس ارتفاعًا جنونيًا في سعرها حيث وصل الكيلو في السوق بين 13 إلى 15 جنيهًا، في حين تباع في الجملة ما بين 10 إلى 11 جنيهًا.

 

وبحسب صادق فإن البطاطا تعد أرخص الخضروات الموجودة في السوق ويتراوح سعرها بين 2 و3 جنيهات للكيلو، ما زاد من إقبال الزبائن…

قبل يومين، بدأ صادق تقطيع البطاطا إلى مكعبات ووضعها في أكياس بعدما لاحظ إقبال الزبائن على شرائها لطبخها، “الناس بقت تيجي تشتري البطاطا علشان تطبخها، لأن بعد التوابل والملح، طعمها هيكون حادق وتبقى زي البطاطس”.

 

ولجأ صادق إلى تقطيع البطاطا بهذا الشكل بعدما عزف الزبائن عن شراء البطاطس “الزباين بتشتري بكميات أقل، الزبون بييجي يشتري بالنص كيلو والكيلو”، حسب قوله.

 

أم فتحي، ربة منزل، التقاها مصراوي في سوق بولاق، سمعت من جيرانها أنهم بدأوا طبخ البطاطا بدلًا من البطاطس، “الجيران بيقولوا كده، بس أنا ما جربتهاش”.

 

لكن أم فتحي، أصبحت تستخدم البطاطا كعشاء لأولادها وتقول “البطاطا دلوقتي أرخص حاجة، فأنا بجيبها وأشويها للعيال وتبقى للعشاء، بدل البطاطس إللى غليت”.

 

مع غلاء البطاطس، اضطرت فتحية، ربة منزل، للاستغناء على كل الأكلات التي تحتوي على بطاطس أو طماطم، بسبب ارتفاع أسعارها، معوضه ذلك بتناول أكلات خفيفة كالمكرونة المحمرة.

 

“لما العيال بتزهق بجيب بـ 5 جنيه عجينة طعمية وأقليها جنب المكرونة، وساعات بجيب ربع كيلو جبنه”، بحسب فتحية.

 

أما سارة سعيد، فلم يكن باستطاعتها الاستغناء عن البطاطس والطماطم، لذلك قررت تقليل الكميات التي تشتريها، “بدل ما اشتري 5 كيلو بشتري كيلو ونصف بس”، وفقًا لقولها.

 

وتضيف “أنا عندي ابني صغير ما بياكلش ولا بيحب غير البطاطس المحمرة مضطرة اشتريها، بس قللت الكمية”. أما لبنى، فقررت أن تشتري البطاطس ذات الحجم الصغير جدًا والتي يتراوح سعرها نحو 6 جنيهات للكيلو.

 

تقول لبنى، ل (اخبار العالم) “بسلق البطاطس دي واهرسها واشكلها بالبقسماط والبيض على شكل صوابع وأقليها”.

 

“أنا عندي الأولاد بيحبوا البطاطس مقلية وما بيحبهوهاش مسلوقة، والنوع الرخيص دا صغير زي البلية وما بيتقليش فحاولت اتعامل معاه”، بحسب لبنى.

 

وتشهد أسعار الخضروات موجة من الارتفاع منذ أكثر من شهر، وهو ما قاد التضخم الشهري خلال سبتمبر الماضي ليقفز إلى 2.6% مقارنة بشهر أغسطس الذي سجل 1.7%، وارتفعت أسعار الخضروات بنسبة 17.2% بسبب ارتفاع الطماطم بنسبة 35%، والبطاطس بنسبة 18%.

الاقسام

كلمات المشاركة

تعليقات الموقع

تعليقات الفيسبوك

ابحث معنا

مساحة اعلانية




شاركنا صفحتنا